ائل قیزی

قادینلار

گؤزللیگین آدی قادین
مین ایللرین آخیشیندا
درین دردی اینسانلیغین اوز قاراسی
قورخو دولو اینجارلارین باخیشیندا
آجیلاری تاریخین آچیق یاراسی
یاشامین ایره لیشی
دونیانین یاریسی قادین
یارانیشین اینجه ایشی
گؤزللیک تانریسی قادین
قارا گونلر قامچیسیلا
ایرنج دایاز یاسالارین اوراغیلا
نوختا قیران هوسلرین
کوف قاپسایان یازیلارین یاراغیلا
قول بازاریندا اوجوز آلینان
سویولان دریسی قادین
جنت لرین باها ساتیلان
اویدورما پری سی قادین
بوش سؤزجوکلر بوکویونده بوکولن
سؤمورگه نین جایناغیندا سؤکولن
جانیندان جانلار بؤلونه ن
تانری لارلا دوران یان یانا قادین
سئوگی سی اوغروندا اؤلن
سئودا گؤلونده سونا قادین
یازدا قیشدا عطیر ساچان چیچکلی دال
لایلالارین دوداغیندا
گوندن گونه دادلانان بال
سئویلمه دن سئوه ن قوتسال
یاشامین معناسی قادین
یارین لارین آناسی قادین
سئوگیمیم دادی قادین
گؤزللیگین آدی قادین
...
اسماعیل جمیلی

منیع :http://gayagizi2.blogfa.com

+ نوشته شده در 2007/3/8ساعت 7:26 PM توسط ائل قیزی |

بيليرم اويره دن اولدو!

ائي گول ، سني آخر ، بيليرم اويره دن اولدو!

سالدين مني هيجرانه ، بو بيلمم ، نه دن اولدو؟

دوزدوم نه قده ر زحمته ، هر نازيني چكديم،

كونلوم غمي - عشقينله اسيرئ - محن اولدو.

سن بويله وفاسيزدا دئييل دين ، بيليرم من،

ظنيمجه ، سني بو ايشه تحريك ائدن اولدو.

رسوايئ - جاهان ائيله دين آخر مني ، گئتدين،

ايندي منه بيگانه گليب طعنه زن اولدو.

بير واخت پيشيمان اولاجاقسان بو عمل دن ،

سندن بو ايشين ، بلكه حسابين چكه ن اولدو

گزدين ، گوزليم ، غيرايله ، من درديني چكديم،

گلدي نه بلا باشيما ، بو غصه دن اولدو.

واحيد او گولون وصلينه بيگانه يئتيشدي،

دردين چكه ن عالمده بير آنجاق حسن اولدو.

علي آقا واحيد

داغ باشيندا دومان وار

اوره يمده غميم وار

منه جانيم دئيه ن يار

ايندي سانير مني ياد

                         شاليم قارا بوياندي

                         اوجو يئره داياندي

                         منيم آه وناله دن

                         چرخ فلك داياندي

عزيزي يم بو يارا

گئدر قالماز بو يارا

دوستا ياد دئمه ك اولماز

دوست هارا دوشمن هارا

+ نوشته شده در 2007/3/5ساعت 9:15 PM توسط ائل قیزی |

دردين ايچينده

ازه لدن پاييما خوش گون دوشمدي،

ايتميشم محنتين ، دردين ايچينده

يازيم يوخ ،يايم يوخ، هئچ ايسينمه ديم ،

دونموشام يوانين ، يوردون ايچينده

زامان بيزي اسير كيمي ساخلايير،

بيري گولور ، يوزو ، ميني آغلايير ،

ناموس سوز ناموس دان داستان باغلايير،

غيرت دوستاق اولوب مردين ايچينده

دوشوندوكجه ، اري ميشم ، آخميشام

شجاعت ، يانيمدا يالان اولوب شام!...

مختصر ، منم كي ، باش ساخلاميشام.

بير دسته قودورموش قوردون ايچينده.

                                                              شجاعت

فلكين ايشي دوشسون

آغزيندان ديشي دوشسون

اونوندا منيم كيمي

نامرده ايشي دوشسون

                            فلكين قهري منه

                            گلميري رحمي منه

                            دولدورور غم باده سين

                             ايچيردير زهري منه

                                                           فلكين داد اليندن

                                                           اولماديم شاد اليندن

                                                           ياپيشايديم ياخاندان

                                                           چكييديم داد اليندن

+ نوشته شده در 2007/2/27ساعت 10:4 AM توسط ائل قیزی |

تورکون دیلی

توركون ديلي تك سئوگيلي، ايستكلي ديل اولماز

اؤزگه ديله قاتسان بو اصيل ديل اصيل اولماز

اؤز شعريني فارسا - عربه قاتماسا شاعير

شعري اوخويانلار ، ائشيدنلر كسيل اولماز

فارس شاعيري چوخ سؤزلريني بيزدن آپارميش

((صابر))كيمي بير سفره لي،شاعير،پخيل اولماز

توركون مثلي،فولكلوري دونيادا تك دير

                                          خان يورقاني، كند ايچره مثل دير ميتيل اولماز

آذر قوشوني ، قيصر رومي اسير ائتميش

                                         كسري سؤزودير بير بئله تاريخ ناغيل اولماز

چوخ قيسا بوي اولسان اوليسان جين كيمي شيطان

                                         چوق دا اوزون اولما كي اوزوندا عقيل اولماز

آزاد قوي اوغول عشقي طبيعتده بولونسون

                                         داغ - داشدا دوغولموش ده لي جيران حميل اولماز

بو((شهريار))ين طبعي كيمي چيمملي چئشمه

                                        كوثر اولا بيلسه دئميرم ، سلسيبل اولماز

                                                   شهريار

+ نوشته شده در 2007/2/21ساعت 11:20 PM توسط ائل قیزی |